Lalaki ginhunong sa karsel matapos nga nagmaoy sa ginarentahan nga boarding house sa Barangay IX, Roxas City

ROXAS CITY-Arestado ang 27-anyos nga lalaki matapos nga nagmaoy sa ginarentahan nga boarding house sa Pavia Street, Barangay IX, Roxas City.

Ginkilala ang arestado nga si Alvin Martinez, residente sang Poblacion Sur, Ivisan Capiz.

Sandig sa alegasyon ni Marites Martinez, tagreklamo kag tag-iya sang amo nga boarding house nga ginsugiran ini sang iban nga mga boarders nga nag-abot sa boarding house si Martinez nga yara sa idalom sang impluwensiya sang makahulubog nga ilimnon kun sa diin ginaalegar nga nagmaoy ini kag ginpangsipa ang pertahan sang kwarto sang iban nga mga boarders.

Bangud sini, ginpakamaayo na lamang sang tagreklamo nga ihunong sa karsel ang nasambit nga suspetsado.