PUNTA TABUC, ROXAS CITY – Ginpaarakan luthang sang ginapahayag riding in tandem ang isa ka lalaki samtang nagahugas sang iya motorsiklo sa guha sang ila puluy-an sa Barangay Punta Tabuc, Roxas City.
Ginkilala ang biktima kay certain Casmar, residente sang banwa sang Ivisan.
Sa inisyal nga impormasyon nga nakuha sang Bombo Radyo sa lugar, ginapahayag nga nagahugas sang motorsiklo ang biktima sang hinali na lamang nga may nagsulod nga persona sa gate kag gulpi ginluthang ang biktima nga na-igo sa ulo.
Suno sa mga nakasaksi, nakabati na lamang sila sang lupok sang armas luthang kag nakit-an ang duha ka mga indibidwal nga nakasuksok sang helmet sakay sang motorsiklo nga Rusi nagaduag asul kag madasig nga nagpalagyo sa lugar matapos makomiter ang krimen.
Nakuha sa lugar ang apat tanan ka basiyo sang armas-luthang.
Mahibaluan nga anay na may kaso ang biktima may kaangtanan sa illegal nga droga kag ginalantaw nga rason kliyente sang biktima ang mga wala makilan-an nga suspek.
Sa karun, padayon pa nga ginabulong ang biktima sa ospital kag padayon ang imbestigasyon sang mga kapulisan angut sa nagluntad nga insidente.
