Lalaki nga akusado sa kaso nga Murder, arestado sa Jamindan

ROXAS CITY – Arestado ang 30-anyos nga soltero matapos nga ginserbihan sang warrant of arrest sang Jamindan Municipal Police Station sa Barangay Agloway, Jamindan, Capiz.

Ginkilala ang akusado nga si Jen Mendoza, residente sang nasambit nga lugar.

Ang akusado ang nagapangatubang sang kaso nga Murder nga ginpapanaog kag ginpirmahan ni Judge Romel Leonor sang RTC 6^th Judicial Region Branch 21, Mambusao Capiz.

Wala sang rekomendar nga piyansa ang korte para sa temporaryo nga kahilwayan ni Mendoza.