ROXAS CITY – Nagdepensa ang 30-anyos nga lalaki nga ginaalegar nagsumbag sa isa ka traffic auxiliary sa Barangay Banica, Roxas City.
Sa interview sang Bombo Radyo kay Mark Anthony Ardenia ginpahayag sini nga nag-umpisa ang kinagamo kun sa diin yara ini sa tiangge kag may yara sang isa ka babaye nga kilala ni Jonathan Dela Cruz alyas Pabo.
Ginkablit pasekreto ni Dela Cruz ang babaye apang sang nagbalikid ini hinali na lamang nga gintiklod sini si Ardenia.
Bangud diri, nag-angkon sang indi pag-intiendihanay ang magtimbang nga bahin.
Suno kay Ardenia nga nagdesisyon na lamang ini nga magpauli apang ginaalegar nga gintawag pa ini ni Dela Cruz kag ginahangkat sang inaway.
Ginapahayag nga una ini ginsumbag apang nakalikaw ini rason nga natumba si Dela Cruz sa karsada kag nag-angkon sang pagbanog sa natuo nga guya.
Nahibaluan nga yara sa idalom sang impluwensya sang makahulubog nga ilimnon si Dela Cruz sang natabo ang kinagamo.
Dugang pa sini nga masami nagahinubog ang nasambit nga traffic auxiliary.
Mahibaluan nga ginhusay naman ang duha sa ila nga barangay.
