Anay na nga may rekord sa barangay ang isa ka lalaki nga ginapahayag ginlampusan sang bara sa Isla Bonita Subdivision, Barangay Tanque, Roxas City.
Matandaan nga ginkilala ang biktima kay alyas “Ting”, 40-anyos, samtang ang ginatudlo suspek ang ginkilala kay alyas “Niño”, 49-anyos nga lunsay mga residente sang nasambit nga lugar.
Suno kay Hon. Berger Ambuayan, Kagawad sang barangay Tanque, Roxas City, ginpahayag sini nga anay na nga may rekord sa ila nga barangay si alyas “Ting” may kaangtanan sa Public Disturbance.
Dugang pa sini, madamo sang mga kaluyo sini ang nagpalab-ot sang reklamo sa ila sini talatapan bangud ginapahayag nga may mga menor de edad ang nagapadulong sa iya sini nga puluy-an kag nagatuga sang gamu sa lugar sa oras sang pagpahuway.
Madumduman nga nag-angkon sang pilas sa ulo, sa tuo nga kilay, kag wala nga dalunggan si alyas “Ting” nga ginapahayag ini ang resulta sang iya pagkamumo, bangud ginaalegar yara sa impluwensya sang makahulubog nga ilimnon sang matabo ang amu nga insidente.
Mahibaluan nga matapos ang nagluntad nga insidente wala na makit-an sa barangay ang amu nga mga persona kag sa karun, ginahulat na lamang sang mga opisyales ang magtimbang nga bahin agud makahinun-anon kag matul-id ang kamatuuran nga rason sang amu nga hitabo.
