Lalaki nga nagapangatubang sa kaso nga homicide arestado sa syudad sang Roxas

Arestado ang isa ka lalaki nga nagapangatubang sa kaso nga Homicide matapos nga ginserbehan sang warrant of arrest sa barangay Lawaan, Roxas City.

Ginkilala ang akusado kay alyas “Manuel”, 53-anyos, residente sang Pinesville, barangay Bato, Roxas City.

Ang warrant of arrest ang gin-isyu kag gin-pirmahan ni Hon. Lorencito Belo Diaz, Presiding Judge, Regional Trial Court, Sixth Judicial Region, Branch 17, Roxas City, Capiz kag napetsahan Enero 7, 2025.

Samtang, ginrekomendar naman sang korte ang balor P10,000.00 para sa temporaryo sini nga kahilwayan.

Sa karon, yara na sa kustodiya sang Roxas City PNP ang nasambit nga akusado, para sa nagakaigo nga disposisyon.