Wala sang rekord nga pagpangawat ukon rekord sa mga iligal nga buluhaton ang lalaki nga nagsaka sa ikatlo nga panalgan sang panimalay ni City Councilor Moreno ‘Moreng Gonzaga sa barangay Cagay sini nga syudad.
Ini ang ginpahayag ni Punong Barangay Victor Dolor sang barangay Banica, sang mainterview sang Bombo Radyo.
Ginkilala ang lalaki kay Roberto ‘Ombit’ Lata residente sang Sitio Andrada, Brgy. Banica Roxas City.
Suno kay PB Dolor,wala sang malain nga rekord ang nasambit nga persona ilabi na sa pagpangawat apang kilala ini nga palahubog.
Ginsiling man sini nga wala nalakip ang pangalan ni Lata sa monitoring sang Barangay Anti-Drug Abuse Council (BADAC).
Nagapati si kapitan, nga posible bangud sa impluwensya sang barkada naengganyo nga maggamit sang iligal nga druga si Lata rason nga nahimo sini sakaon ang amu nga balay.
Matandaan sa imbestigasyon sang kapulisan, nakit-an si Lata nga nagtaklas sa steel gate tubtob nakalab-ot sa 3rd floor sang balay ni konsehal kag nagtuyo nga maglumpat.
Nagdugay pa sang tatlo ka oras ang negosasyon antes natigayon nga paumpawan ini kag napapanaug.
Ini naman luyag ni Councilor Gonzaga magpasaka sang panumbungon batuk kay Lata kag sa karon hilway na karsel sang Roxas City PNP.
