ROXAS CITY- Napasakaan na sang kaso nga paglapas sa RA 9165 ukon Comprehensive Dangerous Drugs Act of 2002 ang lalaki nga nakuhaan sang armas luthang kag shabu matapos madisgrasya sa ginamaneho sini nga motorsiklo sa Brgy. Hanglid, Pres. Roxas, Capiz sang damlag lang.
Ini ang ginkumpirmar ni PMAJ. Rachel Garnica, Hepe sang President Roxas MPS sang mainterview sang Bombo Radyo.
Suno kay Garnica, nakumpirmar nga shabu ang tatlo ka sachet nga nakuha sa suspek matapos nga ginpadala kag ginpatest ini sa crime laboratory.
Pag-abot naman sa calibre .45 nga armas luthang nga loaded sang anum ka mga bala nga nakuha man sa suspek, ginpahayag sang hepe nga ginahulat pa nila ang resulta nagikan sa RTC kun bala lisensyado ang nasambit nga armas luthang ukon indi, kag kon lisensyado man bala sa paghupot sang armas-luthang ang suspek.
Sa tion suno diri nga ilegal ang paghupot sang suspek sang armas-luthang ipasaka man ang kaso nga paglapas sa RA 10591.
