Pilas ang naangkon sang driver sang motorsiklo kag sang isa ka senior citizen matapos nga aksidente nga nabungguan sang motorsiklo ang tigulang sa banwa sang Sigma.
Ginkilala ang driver sang motorsiklo kay alyas Amar, nagaserbe sa simbahan, residente sang nasambit nga Lugar samtang ang senior citizen naman ang ginkilala kay Elizabeth Dadivas.
Sa impormasyon nga nakuha sang Bombo Radyo sa lugar, samtang ginasubay sang amo nga lalaki ang dalanon sa nasambit nga lugar, wala sini nadiparahan ang nagatabok nga tigulang nga nasanggit sini.
Mahibaluan nga yara sa impluwensya sang makahulubog nga ilimnon ang amo nga driver sang motorsiklo.
Sa karon, lunsay gindala sa ospital ang amo nga mga imbolbado sa amo nga disgrasya matapos ini nga gindapatan sang pauna nga pagbulong.
