-- ADVERTISEMENT --
Dakop ang isa ka lalaki nga ginakabig top 9 most wanted person sa Provincial level matapos ginserbihan sang warrant of arrest sa Barangay Culasi, syudad sang Roxas.
Ginkilala ang amo nga akusado kay alyas “Toto”, 52-anyos sang residente sang Barangay Tiz, Roxas City.
Ang warrant of arrest ang ginpapanaog kag ginpermahan ni Hon. Joan Marie B. Bargas-Betita, presiding judge, Regional Trial Court (RTC) Branch 14, Roxas City nga napetsahan sang Marso 5, 2025.
Mahibaluan, nga nagapangatubang sang kaso nga Rape by Sexual Assault ang nasambit nga akusado
Sa karon, yara na sa paghinakop sang Roxas City Police Station ang akusado para nagakaigo nga disposisyon.
-- ADVERTISEMENT --
