ROXAS CITY – Arestado ang 43-anyos nga persona matapos nga ginaalegar nga nagbato sa isa ka pulis nga nagabantay sa boarder checkpoint sa Barangay Lonoy, Roxas City.
Ginkilala ang arestado nga si Felix Celino sang nasambit nga lugar.
Base sa inisyal nga imbestigasyon sang Roxas City PNP nga nadakpan mismo ni Police Staff Sergeant Rio Alcones nga wala sang suksok nga face mask ang suspek samtang nagamaneho sang iya nga motorsiklo rason nga ginpapundo niya ini.
Apang, sa baylo nga magpati sa nasambitan nga pulis ginaalegar nga nagbato pa ang suspek rason nga gindakop kag gindala na lamang ini sa Roxas City Police Station para sa nagakaigo nga disposisyon.
Nahibaluan nga yara sa idalom sang impluwensya sang makahulubog nga ilimnon ang suspek sang natabo ang insidente.
