Lalaki patay matapos ma-aksidente sa ginamaneho nga motorsiklo sa banwa sang Maayon

ROXAS CITY – Patay ang 51-anyos nga lalaki matapos nga ma-aksidente sa ginamaneho nga motorsiklo alas 2:30 sang kaaganhon sa Brgy. Quevedo, banwa sang Maayon.

Ginkilala ang biktima kay Ariel Arellado, residente sang nasambitan nga lugar.Sa imbestigasyon ni PCpl. Gerald Dellomos, traffic investigator sang Maayon MPS takna 4:00 sang aga nasapwan ang biktima nga naga-higda sa karsada.

Ginapahayag nga papuli na ang biktima sakay sa Bajaj nga motorsiklo nagikan sa binaylehan sa Brgy Aglimocon sa nasambitan nga banwa sang wala sini natalupangdan ang nakabalabag nga kawayan rason nga natumba ini nga gintunaan sang iya kamatayon.