Lalaki patay matapos maaksidente sa iya ginamaneho nga motorsiklo sa Dumalag

DUMALAG, CAPIZ – Patay ang isa ka lalaki matapos maaksidente sa iya ginamaneho nga motorsiklo sa Barangay Duran, Dumalag, Capiz.

Ginkilala ang biktima kay Joeffry Alvarez, residente sang Barangay Alimono, Passi City, Iloilo.

Sandig sa inisyal nga imbestigasyon, samtang ginasubay sang biktima ang lugar sakay sa iya motorsiklo, nadulaan ini sang kontrol sa manubela pag-abot sa likuon nga karsada rason nga natumba ini.

Bumunggo pa ang ulo sang biktima sa railings nga gintunaan sang iya kamatayon.

Gindala pa ini sa Tapaz District Hospital apang gindeklarar nga dead on arrival.

Ginapahayag nga yara sa idalom sang impluwensiya sang makahulubog nga ilimnon ang biktima sang natabo ang aksidente.