Pilas sa magkatuhay nga parte sang iya lawas ang isa ka lalaki matapos ginbuno sang wala pa makilan-e nga persona.
Ginkilala ang biktima kay alyas Mario, 34-anyos, resident sang Barangay Punta Tabuc, Roxas City.
Sa impormasyon nga nakuha sang Bombo Radyo, ginahayag nga samtang ining biktima ang nagalakat sa dalan halin sa peryahan sa may bahin sang Bayor Drive, Barangay IX syudad sang Roxas, pag-abot sini sa may bahin sang Sitio Cassandra sa nasambit nga barangay hinali ini nga ginsugata sang ginabulubanta lima ka wala makilan-e nga mga persona kag didto nagpatunga ang komosyon sa duha ka magtimbang nga grupo.
Hinali naman ini ginbuno sang makapila ka beses sang isa ka kaupod sini nga nagresulta sang duha ka pilas sa iya natuo nga abaga kag isa ka buno sa iya natuo nga porsyon sa iya lawas.
Madasig naman nga nakapalagyo ang biktima kag nagpadulong sa ospital.
Mahibaluan nga naka-inom sang makahulubog nga ilimnon ang nasambit nga biktima.
Sa karon, padayon pa ang imbestigasyon sa nasambit nga insidente.
