ROXAS CITY – Pilason ang isa ka lalaki matapos nabungguan sang motorsiklo ang ginamaneho man sini nga motorsiklo sa barangay Tamulalod, Dumarao, Capiz.
Ang biktima ang nakilala nga si Jerick Pajader, 22 anyos sang Barangay Nagsulang sang amo nga banwa.
Base sa inisyal nga impormasyon nga nakuha sang Bombo Radyo, samtang ginasubay ni John Coching, 29 anyos sang Barangay Poblacion Ilaya sang amo nga banwa ang nasambit nga lugar sakay sa iya motorsiklo, nagliko ini kag aksidente nga nagbunggo sa motorsiklo nga ginamaneho ni Pajader.
Nakaangkon sang minimal nga gasgas sa lawas si Pajader kag maswerte naman nga wala mapilasan ang iya backrider nga 11 anyos ang edad.
Gilayon man nga nahusay ang magtimbang nga kampo kag ginpanugyanan ang biktima nga magpaidalom sa medical examination.
