Nag-viral online ang isa ka Chinese influencer matapos gin-ako sini nga naggasto siya sang 4-million-yuan (katumbas sang masobra P32.8 million) agud makaangkon sang peke nga 8-pack abs.
Ang fashion and beauty content creator nga si Andy Hao Tienan, nagsiling nga indi siya makakuha sang abs sang natural ukon paagi sa ehersisyo.
Sang damlag lang, nangin viral siya sang nagbayad siya para sa 40 ka doses sang hyaluronic acidhyaluronic acid nga gin-injection sa iya mga abaga, collarbones, dughan, kag tiyan. Suno sa iya, 20 porsyento sang iya bug-os nga lawas ang hyaluronic acid.
Ginpabugal ni Andy nga kun indi madula ang iya abs sa sulod sang tatlo ka tuig, maga-apply siya sa Guinness World Record para sa titulo nga “longest-lasting artificial abs.”
Ginpahayag man ni Hao nga wala siya sang plano nga mag-untat tubtub nga malab-ot niya ang iya goal nga 10,000 ka injections sang hyaluronic acid.
Samtang ang iban nagadayaw sa iya sa pagpangita sang paagi nga mag-fit nga wala naga-ehersisyo, madamo man ang nagasiling nga ang pagmentinar sang peke nga abs mas mahal sangsa natural nga pagpabaskog sang lawas.
