Nagpahanumdom ang legal expert sa publiko nga dapat mangin aware ang mga pumuluyo nahanungod sa ginatawag nga buwis kun paano magbayad kag kun sa diin nagakadtu ang ginabayad.
Sa interview sang Bombo Radyo kay Atty. Maxwel John B. Berdugo sang Integrated Bar of the Philippines (IBP) Capiz Chapter, iya ginpahayag nga may yara sang tatlo ka sahi sang buwis kaangay sang income tax, transfer tax kag business tax.
Suno kay Atty. Berdugo, may yara sang duha ka bahin ang business tax, ang Value Added Tax (VAT)nga yara sa mga produkto nga ginabakal mapa lokal man ukon import kag ang syntax amo ang sa sigarilyo kag makahulubog nga ilimnon.
Dugang pa niya, ang ginabayaran nga VAT ang nagakadtu direkta sa national nga kaban samtang ang syntax naman ang nagakadtu sa health sector nga ginagamit sa idalum sang universal health care law.
Ginapangabay sini ang tanan nga magbayad sa gihapon sang buwis bangud ini ang responsibilidad sang tanan kag ang ginabayaran nga tax ang lifeblood sang atun nga gobyerno nga ginagamit sa pagpatuman kag pagtukod sang nagkalain-lain nga proyekto para sa kauswagan sang pungsod.
