Nagpatigayon sang pagsinapol ang local government unit sang Panay, Capiz sa mga Local Government unit bilang preparasyon sa posible epekto sang Bagyo Basyang.
Sa interview sang Bombo Radyo kay Mayor Jonathan Besa, iya ginpahayag nga naka-standby na ang mga rescue team agud mangin handa sa bisan ano nga sitwasyon.
Suno kay Besa, nakapreparar nga ang mga ahensya sang mga food packs, kag may ginpaabot pa nga dugang nga bulig halin sa Department of Social Welfare and Development.
Pahayag niya, nakatuon na ang mga pumuluyo sang Panay sa mga nagliligad nga eksperyensya sa bagyo.
Dugang pa sang natungdan, nakahanda naman ang mga evacuation centers sang mga barangay agud may temporaryo nga matiniran ang mga pumuluyo nga maapektohan sang bagyo Basyang.
