Gin-athag sang City Mayors Office – Integrated Barangay Affairs (CMO-IBA) ang pagbulig sa mga delegado sang Capiz sa Batang Pinoy 2025.
Sa interview sang Bombo Radyo kay Leonard Omentic Betonio, Division Chief & Head of City Mayor’s Office-Integrated Barangay Affairs, iya ginpahayag nga naghingyu ang isa ka Futsal coach sang Capiz sang gamay nga bulig gikan sa local government sang General Santos City sa bulig sang isa ka vlogger.
Suno pa kay Betonio, gilayon man nila nga gindul-ungan sang bugas kag cash assistance ang nasambit nga coach kag masobra 20 sini ka mga atleta.
Pahayag pa niya, may yara sang budget ang delegado sang Capiz suno sa coach nga iya sini naka-istorya apang ginatipid nila agud mapalab-ot tubtob sa Nobyembre 3 sa diin magatakup ang nasambit nga kompetisyon.
Dugang pa sang natungdan, likawan ang mga negative comment sa social media nahanungod sa isyu bangud wala sang malain nga intensyon ang talatapan kundi ang magbulig kag masiguro ang safety sang tagsa ka delegado sa ila syudad.
Interviewed by: Bombo Sunnie Mae Batencila via Zona Libre
