BANGKOK, THAILAND- Linibo nga mga nagprotesta ang nagtipon sa Bangkok sang Sabado para ipanawagan ang pagbuya sa pwesto ni Prime Minister Paetongtarn Shinawatra. Ang protesta nagtuga kasunod sang isyu sang Thailand kag Cambodia nga naghatag sang tensyon sa gobyerno. Ang rally, nga amo ang pinakadako nga protesta umpisa nagsulod sa gahum ang Pheu Thai Party sang 2023, ginpatigayon bisan pa sa mabaskog nga ulan.
Ang mga nagprotesta nagpahayag sang ila kasubo kay Paetongtarn, 38-anyos, nga nagaatubang man sa pagtilaw sa pagbangon sang ekonomiya kag pagpadayon sang iya maluya kag magamo nga coalition. Suno kay Parnthep Pourpongpan, isa ka lider sang protesta, kinahanglan suno sa iya nga magbuya na sa pwesto kay siya ang problema sa sitwasyon sa karon sang pungsod.
Nagsugod ang isyu sa katapusan sang Mayo, sang may insidente nga nagluntad sa isa ka disputed nga bahin sang teritoryo sa tunga sang Thailand kag Cambodia. Ang tensyon nagtuga pagkatapos nga mag-leak ang isa ka tawag nga nagapakita sang pagpangdaog-daog ni Paetongtarn sa isa ka heneral sang Thai army kag pagpakanubo kay Hun Sen, ang anay lider sang Cambodia.
Ang pagpangdaog-daog sa military isa ka sensitibo nga isyu sa Thailand, gani nagpauli si Paetongtarn kag nagapangayo sang pasaylo pagkatapos nga mag-leak ang tawag. Madamo sa mga nagprotesta ang nagapati nga ang Prime Minister kag ang iya amay nga si Thaksin Shinawatra, ginapadalagan lang ni Hun Sen, ang anay kaalyado sang ila pamilya nga sa karon nangin kaaway.
Nagapadayon ang mga nasyonalista sa Thailand sa pagpanawagan sang pagbuya ni Paetongtarn, samtang ang gobyerno naga-atubang sang daku nga pagpanghangkat sa pagpangita sang suporta gikan sa ila coalition, labi na nga may yara sang pagpamahog nga “no confidence” vote sa masunod nga bulan.
