PRESIDENT ROXAS, CAPIZ- Preparado na ang local government unit sang banwa sang President Roxas, Capiz para sa manug-abot nga Bagyo Tino.
Sa interview sang Bombo Radyo kay Mayor Receliste Escolin sang nasambit nga banwa, iya ginpahayag nga naka-prepositioned na ang tanan nga mga pagkabutang nga pagagamiton sa pagresponde.
Suno kay Escolin, preparado na ang mga rescue patrols, heavy equipments, motor banca, kag mga rescuers sa pagbulig sa mga pumuluyo nga nagakinahanglan sa tion sang bagyo.
Pahayag nya, hugot nga ginapatigayon sa subong sang ila nga talatapan ang pagmonito sa mga low-lying areas nga masami ginabaha.
Samtang, yara naman sa 809 na ka mga indibidwal ukon kabaylo sa 279 ka mga pamilya ang nag-evacuate na sa tagsa ka mga evacuation centers sa banwa.
Nagapanawagan naman ang natungdan sa mga pumuluyo nga indi gid magkalipat sa pagpangamuyo kag pag-ampo nga malampuwasan ang amo nga kalamidad nga wala sang may madula nga kabuhi kag mapabilin nga luwas ang tagsa-tagsa.
Interviewed by Bombo Francis Biñas
