Gilayon nga ginpaidalum sang Quad Committee ang controversial nga police official nga si Lt. Col. Jovie Espenido agud maghatag sang testimonya may kaangtanan sa drug war nga nasaksihan niya bilang isa ka chief of police sadtong una nga tuig sang implementasyon sini.
Gindetalye sini kung paano siya nakabaton sang tawag nagikan kay anay PNP Chief Ronald “Bato” De la Rosa agud mangin hepe sang Albuera, Leyte Police Station.
Ginpabugal sini nga sa sulod sang 18 diyas, nahimo na sini nga bungkagon ang drug ring ni Kerwin kag dalayonman nga nagsungka ang amay sini nga si anay
Mayor Rolando Espinosa kung sa diin ginbawian man sang kabuhi samtang yara sa sulod sang Baybay City Provincial Jail.
Samtang, dalayon namn nga nadakpan si Kerwin sa iban nga pungsod pinaagi sa pagpakig-angut sang intle community.
Hukyo 13, 2016, pila ka adlaw lamang sumugod nga magpungko si anay PRRD bilang Presidente, na-assign si Espenido bilang COP sang Albuera, leyte.
Oktobre 16, 2019, nagerbi ini bilang Deputy City Director for Operations sa Bacolod City Police Office sa Western Visayas.
Sa pihak sang pagiging drug war lieutenant ni Espenido, ginpangalanan siya ni anay DILG Secretary Eduardo Año nga kalakip sa drugs watchlist ni anay Presidente Duterte.
