LTFRB-6, nagalibot kag nagapatigayon sang inspeksiyon sa mga pampasahero nga salakyan nga naga-biyahe sa siyudad sang Roxas kag probinsiya sang Capiz

ROXAS CITY – Padayon sa karon nga nagalibot ang mga katapo sang Land Transportation Franchising and Regulatory Board (LTFRB) Region 6 agud magpatigayon sang inspeksiyon sa mga pampasahero nga salakyan sa siyudad sang Roxas kag probinsiya sang Capiz.

Ini ang ginpangunahan mismo ni LTFRB-6 Director Richard Osmeña.

Ini ang kasunod sa mga reklamo nga ginpalab-ot sa talatapan angut sa nagabiyahe nga mga colorum nga salakyan.

Kalakip sa gina-tsekyar sang talatapan amo ang special permit sang mga salakyan, kag kun ginasunod ang nagakaigo nga minimum health standards kapareho sang paglimita sang mga pasahero sa 50 percent sang seating capacity sang salakyan.