Mag-asawa kag apo nga sakay sang motorsiklo pilason matapos nabiktima sang hit and run

ROXAS CITY – Pilason ang mag-asawa kalakip ang ila nga apo matapos nabungguan ang ila nga motorsiklo sang isa ka Isuzu crosswind nga salakyan sa Poblacion Ilaya, Panit-an, Capiz.

Lunsay nag-angkon sang kapilasan sa lawas ang mga biktima nga sanday Vicente Mahinay 68-anyos, asawa nga si Sonia Mahinay 65-anyos kag ang apo nga si Alonca Joyce 21-anyos, lunsay mga residente sang Barangay Timpas, Panit-an.

Nagapauli na ang mga biktima sakay sa motorsiklo sang agawon sang nasambit nga salakyan ang linya sa karsada sang mga biktima.

Sa pihak nga nakita man sang wala pa nakilala nga driver sang crosswind ang natabo sa mga biktima, apang wala niya ini ginpunduhan ang tatlo kag buligan sa baylo, ginpaburhot palayo sa doog ang ginamaneho nga salakyan.