Ginpanginwala sang Malacañang, ang ginalegar nga road incident nga lakip ang Presidential son sa North Luzon Expressway (NLEX) sini nga gab-i.
Suno sa social media nga ga lapta nga impormasyon, natabo pasado alas 7:00 sang gab-i kun sa diin ginbalabagan sang tatlo ka salakyan nga convoy nga gin-alegar nga sakay sini ang bata sang presidente.
Sa dugang pa nga ga lapta nga impormasyon, mga 15 ka mga lalaki ang ginpahayag nagpanaog sa mga salakyan nga narehistro sa isa ka banwa sa Bulacan kag ginkomprontar ang convoy.
Ginpahayag nga nagtuhaw ang tensyon matapos nga gin-alegar nag-overtake ang salakyan sang “presidential son” sa mga salakyan halin sa Bulacan nga ginapahayag naga-akupar sang tatlo ka linya sang expressway.
Apang, ginpanindugan sang Palasyo nga wala sang kasubong nga insidente nga natabo, samtang wala pa sang pormal nga pahayag ang mga otoridad sa nasambit nga bagay.
