Hugot nga ginpanginwala sang Malakanyang ang alegasyon nga ginabalabagan ni Presidente Ferdinand Marcos Jr ang impeachment batuk kay Vice President Sara Duterte.
Suno kay Executive Secretary Lucas Bersamin, indi pwede nga diktahan sang ehekutibo ang co-equal branch of government.
Gin-athag ni Bersamin nga ang nauna nga pahayag ni Presidente Ferdinand Marcos Jr. natuhoy sa impeachment ang opinyon lamang sini.
Matandaan nga ginpamangkot si PBBM sang damlag lang kun pabor ini sa impeachment apang wala man ini direkta nga ginsabtan sini bangud ang impeachment process, prerogative sang Kongreso.
Dugang pa sini, posible nga ang napanumdom ni PBBM, magatuga lang ini sang delay sa pag-usad pero wala nya man ini ginapahibalo sa Kamara.
Dugang pa sang tiglikom, kun magdesisyon ang mga mamalidha nga ipadayon ang proseso sang impeachment, wala man sang pamaagi agud balabagan ini.
Sa pihak nga bahin, gin-akusahan sang Makabayan Bloc si Pres. Marcos nga ini ang rason kun ngaman na-delay ang proseso sang tatlo nga gin-file nga impeachment complaints batuk kay VP Sara.
Suno naman kay ACT Teachers Partylist Rep. France Castro, posible nga may ika-apat pa nga impeachment complaint nga gina-file sa Kamara antes liwat nga mag-break ang Kongreso.
