Mambusao Mayor Labao, ginrekomendar ang pagpahamtang sang mga health workers sa Barangay Balijuagan para sa border security kag quarantine protocol

ROXAS CITY – Ginrekomendar ni Mambusao Mayor Leodegario “Jun” Labao ang pagpahamtang sang tatlo ka mga health workers sa Barangay Balijuagan, Roxas City para sa border security kag quarantine protocols sa entrance kag exit points kasunod sang pamahog sang Coronavirus Disease (COVID-19).

Suno kay Labao nga agud madasig ang pagtsekyar sang mga nagasulod sa syudad mas maayo kon madamo ang nagatsekyar sa health status sang mga indibidwal agud indi maglawig ang nagapila kag nagahulat.

Ginpahayag sang alkalde nga na-eksperensyahan sini ang maghulat sang madugay samtang ginapaidalum sa thermal scanning ang mga nagasulod sa Roxas City.

Suno pa diri nga ang mga kapulisan nga nakadeploy sa lugar ang indi sang health practitioners.