ROXAS CITY – Ginmandu sang Police Regional Office-6 Director sa mga pulis sa Western Visayas nga epektibo subong nga adlaw ang pagpatuman sa nangin mandu ni President Rodrigo Duterte nga pagpauntat sa tanan nga operasyon sang gaming schemes sa idalum sang Philippine Charity Sweepstakes Office (PCSO).
Sa interview sang Bombo Radyo Roxas kay Brigadier General Rene Pamuspusan, ginpahayag sini nga nagpaguwa na ini sang direktiba sa mga provincial directors kalakip na sa chiefs of police nga ipasarado ang tanan nga mga Lotto kag STL outlet sa Region 6 kag ipauntat ang operasyon sang lotto, stl, peryahan ng bayan kag keno ba-se sa mandu sang presidente bangud sa malapnagon nga korupsyon.
Suno pa sa opisyal nga wala sang pakasin-uhon ang PNP kag arestuhon ang sin-u man nga maglapas sa nasambit nga mandu sang presidente.
Nagpanawagan man si Pamuspusan sa mga manugtaya nga magkooperar kag indi magtaya bangud may mandu na ang presidente nga nagapauntat sa tanan nga mga gaming schemes sa idalum sang PCSO.
