Wala sang iban nga opsyon ang House of Representatives kundi batunon ang mga artikulo sang impeachment batuk kay Vice President Sara Duterte, kasunod sang desisyon sang Senado—nga nagaakto bilang impeachment court—nga ibalik ang kaso sa lower house, suno kay Senate President Francis “Chiz” Escudero sini nga Miyerkules.
Ginpaathag ni Escudero, nga amo ang presiding officer sang impeachment court, nga pag-abot sa impeachment proceedings, indi patas ang gahom sang Kamara kag Senado.
Ginpahayag man ni Escudero nga gintungdan sang maayo sang Senado ang ila obligasyon bilang impeachment court sandig sa proseso sang impeachment, kag liwat nga ginhatagan-pagtamod nga wala sang daog ukon piyerde sa nangin desisyon.
Madumduman nga sadtong Pebrero 5, gin-impeach sang House of Representatives si Duterte, kun sa diin masobra 200 ka mga mamalidha ang nagsuporta sa complaint.
Gin-akusaran si Duterte sang ‘betrayal of public trust’, hayagan nga paglapas sa Konstitusyon, anomalya, kag iban pa nga mabug-at nga krimen.
