ROXAS CITY – Dakop ang tatlo ka indibidwal, matapos ang ginkasa nga drug buy-bust operation sang mga otoridad sa Barangay 9, Roxas City.
Ginkilala ang mga nagkaladakpan nga sanday Benjie Gonzales, 52-anyos, manugbaligya sang rebulto sang santos kag residente sang Barangay Cagay, Buddy Asis, 40-anyos, residente sang Barangay 9, Roxas City kag Rodnei Bulaqueña Aulmo, tricycle driver, 43-anyos, residente naman sang Baranagy Linao, banwa sang Panay.
Sa impormasyon nga nakuha sang Bombo Radyo nagikan sa lugar, ginapahayag nga nakuha sa mga nagkaldakpan ang 13 tanan ka sachets sang ginapatihan shabu nga may street value P160,000.00, P500.00 nga marked money kag drug paraphernalia’s.
Sa karun, yara na ang mga nasambit nga persona sa kustodiya sang Roxas City PNP para sa nagakaigo nga disposisyon.
