Patay ang isa ka lalaki nga manunudlo matapos ginluthang sa Talavera, Nueva Ecija.
Sa imbestigasyon sang kapulisan, ginaalegar nga naga-inom-inom ang biktima nga si Reynan Tiangco, 39 anyos upod ang iya kasilingan sang hinali nga nag-abot ang gunman kag ginluthang ang biktima.
Gilayon naman nga gindala sa ospital ang biktima apang wala na nakaguwa nga buhi.
Pagkasunod nga adlaw sang Domingo, nagsungka sa mga otoridad ang isa ka anay konsehal sang barangay, nga ginkilala sang isa ka testigo nga isa sa mga suspetsado kag ginaalegar nakita malapit sa lugar sa diin ginpatay ang biktima.
Ginpahayag nga natukiban sa imbestigasyon nga may luyag ang suspek sa asawa sang biktima kag ini ang ginapatihan motibo sa krimen.
Apang ginpanginwala sang suspek ang akusasyon kag ginpahayag nga nagsungka siya agud tinluan ang iya pangalan.
Suno sa pamilya sang biktima, wala sila sang nahibaluan nga kaaway, gani nagapanawagan sila sang hustisya.
Padayon pa nga ginapangita ang gunman.
