-- ADVERTISEMENT --
ROXAS CITY, CAPIZ – Nag-evacuate ang 177 ka mga pamilya sa Barangay Bago, Roxas City bangud sa kakugmat sa Bagyo Tino.
Sa interview sang Bombo Radyo kay Punong Barangay Rolly Hierro, iya ginpahayag nga nga ila gid gin akomodar ang tanan nga nag-evacuate sa apat tanan ka mga evacuation center sang ila talatapan.
Suno kay Punong Barangay Hierro, may yara sang bahin sang ila barangay nga masami ginabaha rason nga nag-evacuate sa gilayon a ng mga pumuluyo.
Pahayag pa niya, bastante man ang supply sang pagkaon para sa mga nag–evacuate agud indi sila nga makabatyag sang pagkagutom.
Nagpanawagan man ang natungdan nga mangin aligmat sa gihapon apisar naghina na ang bagyo bangud sa indi mapaktan nga panyempo.
Interviewed by:Bombo Jessa Mae Delos Santos
