Nag-evacuate ang masobra 19 ka pamilya sa Barangay Malocloc Sur, Ivisan,Capiz bangud sa Bagyo Opong.
Sa interview sang Bombo Radyo kay Punong Barangay Allan Delos Santos, iya ginpahayag nga bangud sa mabaskog nga hangin kag ulan, may yara sang pila ka pumuluyo nga nagpanawag sa ila nga i-rescue sila kay ang ila lugar nga na-istaran ang open area kag posible nga mahalitan sang bagyo.
Suno kay Delos Santos, apisar wala man sang pagbaha, may yara sang mga pamilya ang boluntaryo nga nagkadtu sa mga evacuation center agud palipason ang bagyo bangud nakabatyag sila sang kakugmat dala na sang pila ka makusog nga bagyo nga nag-agi.
Pahayag pa niya, nga ginpreparahan nila ang paglandfall sang nasambit nga bagyo kag gin-akomodar sang intsakto ang mga nag-evacuate agud mangin maayo ang ila nga kahimtangan .
Dugang pa sang natungdan, nagapasalamat siya sa iya mga pumuluyo nga nagboluntaryo nga kadtu sa mga evacuation center agud malikawan ang mga posible nga aksidente sa tion nga magpabilin sila sa ila mga panimalay
