Masobra 300 ka tawo ang napatay sa probinsya sang Khyber Pakhtunkhwa sa naaminhan-nakatundan nga bahin sang Pakistan pagkatapos sang duha ka adlaw nga mabaskog nga ulan kag pagbaha, suno sa lokal nga mga opisyal.
Suno sa National Disaster Management Authority, kalabanan sa mga nagkalamatay ang ginlubong matapos nalubong ang ila balay bangud sa pagtiphag sang duta, kag ang iban ang napatay matapos nga naigo sang kilat. Kapin sa 137 man ang ginreport nga napilasan.
Suno sa isa sa mga residente, daw kaangay nga katapusan na sang kalibutan ang ila nabatyagan pagkatapos sang mabaskog nga pagbaha.
Ang distrito sang Buner ang pinakagrabe nga nahalitan, nga may 184 ka napatay kag grabe nga kahalitan sa imprastraktura, pananom, kag pagkaguba sang mga kahoy.
Padayon naman ang pagpangita sa mga nadula, samtang madamo ang nagapabilin nga stranded bangud sa baha, lakip na ang mga kababainhan kag kabataan.
Samtang, ang malapnagon nga pag-ulan ang kabahin sang mainit nga pagsugod sang monsoon season sa pungsod nga suno sa mga opisyal magalawig sang isa ka semana.
Narekord man ang grabe nga kahalitan sa mga kaiping nga pungsod kaangay sang India kag Nepal.
