-- ADVERTISEMENT --
Naglab-ot na sa masobra 3,000 ka mga tricycle driver sa Roxas City ang nakabaton sang ₱5,000 nga ayuda halin sa Department of Social Welfare and Development bilang bulig sa mga apektado sang padayon nga pagsaka sang presyo sang gatong.
Sa interview sang Bombo Radyo kay Micheal Allanciano, tricycle driver, iya ginpahayag nga dako gid nga bulig sa ila ang nabaton nga ayuda halin sa gobyerno.
Suno kay Allanciano, plano sini nga ibakal ang nabaton nga kwarta sa mga kinahanglanon sa sulod sang balay agud mapahagan-hagan sa ila pang-adlaw-adlaw nga pag-pangabuhi.
Nagalaom man ini nga indi lang isa ka bes ang bulig kag magapadayon pa ang amo nga programa bangud sa kagamay nga kita sang mga drivers sa adlaw-adlaw.
