Naglab-ot na sa masobra 400 ka mga gasoline stations ang narekord sang Philippine National Police nga nagserado sa tunga sang padayon nga pagtaas sang presyo sang krudo kag mga produktong petrolyo.
Suno kay PNP Spokesperson kag Public Information Office Chief PBGen. Randulf Tuaño, iya ginpahayag nga ang ini nha numero halos nagdoble gikan sa masobra 270 ka mga gasolinahan nga ginsirado sang nagligad nga semana.
Base sa data, padayon ang monitoring sang National Police sa masobra 14,300 ka mga gasolinahan sa bug-os nga pungsod agud malikawan ang pamahog sang profiteering kag hoarding.
Sa pihak nga bahin, sa pagbuligay sang Department of Energy (DOE), gina-imbestigaran na sang mga otoridad ang rason sa likod sang pagsirado sang mga gasolinahan agud masiguro nga wala ini sang kaangtanan sa pagpamintaha ukon pagtago sang supply.
Samtang may tatlo na ka mga tawo nga ginpasakaan sang kaso nga illegal oil sales, hoarding and profiteering, nga na-record sa Nueva Vizcaya, Eastern Samar kag sa Albay.
