Kapin 7,579 ka mga katapo ang gin -deploy sa palibot sa probinsya sang Iloilo kadungan sang Dinagyang Festival
Sa interview sang Bombo Radyo kay Police Major Shella Mae Sangrines, public information Officer sang Iloilo City Police Office, iya ginpahayag nga sang Miyerkules, Enero 21, nag-abot ang mga kapulisan sa Iloilo nagikan sa nagkalain-lain nga banwa kag probinsya lakip na ang probinsya sang Capiz.
Suno kay Police Major Sangrines, nagpatigayon sang briefing sa tanan nga augmented officers antes ini sila nga ginpang-deploy sa ila sini tagsa ka mga pwesto ilabi na sa lugar sang highlight events sang kapistahan.
Pahayag pa niya, hugot ang mangin seguridad sa palibot sang probinsya agud masiguro nga wala sang may magaluntad nga anuman nga klase sang kinagamo.
Nagpanawagan man ag natungdan sang kooperasyon sa publiko kag ginsiguro nga mapabilin ang kalinong kag katawhay sa palibot.
