ROXAS CITY – Naglab-ot tanan sa 4, 100 doses sang Astrazeneca vaccine ang natigayon nga madonar ni Sec. Mar Roxas kag Gerry Roxas Foundation sa probinsya sang Capiz.
Bilang inanak sang syudad sang Roxas ginpakamaayo sini nga makahatag sang dugang nga bakuna sa iya mga kasimanwa kag bilang sabat man sa panawagan sang National Government nga nagatuyo nga mabakunahan ang tanan nga pumoluyo batok sa Covid19.
Ini nangin posibli man pinaagi kay Cong. Emmanuel “Tawi” Billones”, Mayor Ronnie Dadivas kag Board Member Thea Faith T. Reyes nga nangin palaagyan agud mapalab-ot ini nga mga bakuna sa nagkalain-lain nga sektor nga naga risgo adlaw-adlaw para mabuhi ang ila pamilya.
Nagapati si Roxas nga sa pagbinuligay kag kooperasyon sang tanan, mahimo naton nga matapna kag Covid19 kag sa madali nga panahon makabalik kita sa normal nga pagpangabuhi.
