Nakumpiskar sang mga katapo sang Bureau of Customs ang 17 ka mga luxury cars nga ginasuspetsahan nga smuggle sa isa ka warehouse sa Makati City.
Suno sa nangin estimate sang ahensya, ini ang may kabug-usan nga balor nga maglab-ot sa P366 million.
Suno kay BOC-Customs Intelligence and Investigation Service Director Verne Enciso ,ginbisita nila ang lugar para ifile ang Letter of Authority sa shop owner ukon representante sang warehouse.
Nangin kabulig nila ang Philippine Coast Guard’s Task Force Aduana sa pagfile sini.
Pag-eksplekar ni Enciso nga ang Letter of Authority ang importante agud matumod ang legitimacy sang mga salakyan nga imported.
Makabulig man ini para masiguro nga bayad sang insakto ang tax sini.
Mga kilala nga brand sang salakyan ang nakumpiskar sang mga katapo sang BOC.
Sa karon, temporaryo nga ginsarado ang lugar partikular na ang showroom kag storage facility ginahiwat ang proper inventory sang Customs examiners.
