Nalakip ang capital sang Pilipinas nga Maynila sa mga ginakabig nga pinaka-peligroso nga syudad sa kalibutan para sa mga foreign tourists.
Nakalista ang Maynila bilang 5th riskiest city nga may total score nga 91.49.
Sa crime risk, pang siyam ang Maynila sa listahan, pang-lima sa personal security risk; pang-pito sa health security risk; pang-siyam sa infrastructure security risk, kag pang-12 sa digital security risk.
Kaupod sang Maynila sa listahan sang pinaka-peligroso nga ciudad ang Lago, Nigeria nga pang-apat; Yangon, Myanmar pangatlo; kag Karachi, Pakistan nagapangaduha sa listahan.
Ang Caracas sa Valenzuela ang naguwa sa Forbes Advisor nga nagapanguna sa listahan, nga may pinakamataas man nga marka sa health security risk, highest crime risk, kag nakakuha man sang worst travel safety rating gikan sa US State Department.
Samtang, ang Singapore ang ginakabig nga safest city, kaupod ang Tokyo, Japan nga nagapangaduha; Toronto, Canada nagapangatlo; Sydney, Australia nagapang-apat; kag Zurich, Switzerland nagapanglima.
Suno sa Forbes Advisor, ginkumparar nila ang 60 international cities paagi sa pito ka key metrics nga ginabug-usan sang, travel safety, crime risk, personal security risk, health security risk, infrastructure security risk, natural disaster risk, kag digital security risk, agud nga mahibaluan ang mga ciudad nga peligroso kag hilway para sa mga travellers.
