ROXAS CITY-Hugot nga ginpanginwala sang alkalde sang banwa sang President Roxas, Capiz nga ma yara sang mga Sangguniang Bayan Member nga nagapanag-iya sang pila ka mga housing units sa Vizcayaville, Barangay Vizcaya, President Roxas, Capiz.
Ini ang ginpahayag ni President Roxas Mayor Receliste Escolin sang mainterview sang Bombo Radyo.
Suno sa kay Escolin nga wala ini sang may nakita nga pangalan sang mga SB Member sa listahan sang mga benepisyaryo sang amo nga pabahay.
Aminado ang opisyal nga may yara sang mga punong barangay nga nakabaton sang mga housing units apang gin-athag sini nga kwalipikado sila nga makabaton sandig sa guidelines sang National Housing Authority (NHA).
Samtang Aminado si Escolin nga nakalab-ut na sa iya nga talatapan nga may yara sang baligya-anay sang mga housing units sa amo nga pabahay.
Apang luyag sang akalde nga may yara sang magpadulong nga mga indibidwal nga pormal nga magreklamo sa amo nga alegasyon.
Nagpanawagan naman si Escolin sa publiko nga magpakig-angut gilayon sa talatapan sang sang alkalde sa tion nga may yara sang namutikan nga mga iregularidad sa amo nga pabahay.
