-- ADVERTISEMENT --
ROXAS CITY – Nagpalab-ot sang pagpasalamat si Mayor Ronnie Dadivas sa tanan nga pumuluyo sang syudad sang Roxas nga nagbulig kag padayon nga nagasalig sa iya.
Sa interview sang Bombo Radyo kay mayor Dadivas, ginpahayag sini nga sa pihak sang mga pagpakalain sa iya administrasyon, wala nagpadala ang mga pumuluyo sa mga pagpatalang kag ini gid ang iya ginakalipay.
Suno kay Dadivas nga matawag na ini nga “One Capiz” bangud partido liberal na ang magapamuno kag magahugpong ini agud malab-ot ang handom para sa kadam-an kag mapa-uswag ang syudad kag bug-os nga probinsya.
