Nagapangayo sa karon sang suporta ang Philippine Men’s Football Team sa mga Filipino fans nga magpakigbahin sa pagsabak sang mga ini sa laban kontra sa Vietnam para sa Mitsubishi Electric Cup 2024.
Pagahiwaton ini sa Rizal Memorial Stadium sa Maynila.
Suno sa Philippine Football Federation, para mas magdamo ang magtambong sang ila hampang, ginpabarato sang mga ini ang tickets.
Mangin P120 na ang tanan nga tickets para sa nasambit nga laban sang mens’ football team sang pungsod.
Maluwas pa diri, naghinyo man sila sa mga fans nga dapat magsuksok sang nagaduag asul bilang paghatag sang suporta sa grupo.
Matandaan nga nagtakup sa 1-1 draw ang magkasunod nga hampang sang Men’s football team batuk sa Myanmar kag sa Laos. Yara sa una nga puwesto ang pungsod sa Group B kun sa diin target nila nga lutuson ang Vietnam para mas lalo nga maglayo ang puntos sang grupo.
