Ginkompirmar sang mga barangay officials sang Barangay San Martin, Dumalag Capiz nga nakabaton sang P6,000 nga social amelioration program (sap) ang mga bana ukon tiayon sang mga barangay officials sang nasambit nga barangay.
Ini ang ginkompirmar ni Barangay Kagawad Annabelle Gabrillo sang mainterview sang Bombo Radyo.
Ginpahayag ni Gabrillo nga sobra ang gin alokar nga households sang Municipal Social Welfare and Development Office (MSWDO) sa mga makabaton sang nasambit nga ayuda rason nga ginkasugtanan sang mga barangay officials nga ilakip sa listahan ang tagsa ka mga bana kag mga tiayon sang mga ini.
Gindugang pa ni Gabrillo nga nag-agi sa maid-id nga validation sang MSWDO ang nasambit nga listahan apang ginprubahan man ini sang talatapan sa pihak nga nakalista ang mga bana kag tiayon sang mga barangay officials.
Ginkompirmar man ni Gabrillo nga kalakip sa nakabaton sang ayuda amo ang tiayon mismo ni Punong Barangay Nelson Fano.
Samtang natalana naman nga ibalik sang mga barangay officials nga nabaton sang ila mga bana ukon tiayon.
