ROXAS CITY-Hugot nga ginapanindugan sang mga Barangay Officials sang Barangay Tiza, Roxas City
nga ila nga ginamonitor ang mga lugar nga may yara sang nagpositibo sa COVID-19 .
Sa interview sang Bombo Radyo kay Romela Julian, Barangay Health Worker sang Barangay Tiza nga hugot nga ginabantayan sang mga barangay officials ang mga panimalay sang mga nagpositibo sa nasambit nga balatian.
Magluwas diri, padayon man nga ginamonitor sang mga barangay officials ang kondisyon sang mga na close contact sang mga nagpositibo sa amo nga balatian.//
Samtang ginpahayag ni Julian nga sa pihak nga mataas ang numero sang kaso sang COVID-19 sa nasambit nga barangay, indi ini sila maka deklarar sang lockdown.//
Suno sa opisyal nga ginkasugtanan sang mga barangay officials nga indi na pagpaidaom pa sa lockdown ang nasambit nga barangay bangud wala sila sang pondo para ihatag sa mga apektado sang lockdown.//
Matandaan nga madamo sang mga concern citizen ang nagpalab-ut sa Bombo Radyo matapos nga ginapahayag wala nahulag ang mga barangay officals sa pihak nga padayon nga nagatimbuok ang kaso sang amo nga balatian sa nasambit nga barangay.
Mahibaluan nga ang Barangay Tiza ang may yara sang may pinakamadamo nga active cases sa siyudad nga naglab-ut na sa 13 ka mga kaso.
