ROXAS CITY, CAPIZ- Naka-full force sa pagbantay sa mga kabataan ang mga opisyal kag tanod sang Barangay Baybay, Roxas City, Capiz, agud malikaw ang mga ini sa peligro nga dala sang mga palupok.
Sa interview sang Bombo Radyo kay Punong Barangay Erwin Oroceo, iya ginpahayag nga ang bangud sa nagahilapit nga holiday season, partikular ang paskwa kag bag-ong tuig, madamo naman sa subong ang baligya nga palupok.
Suno kay Oroceo, indi na nila luyag nga may yara sang mga kabataan ang mabiktima sang palupok.
Nahibaluan nga sa kada pagselebrar sang paskwa kag bag-ong tuig, may mga kabataan ang nagakabiktima sang palupok rason nga ginapasangkad sa subong ang Ligtas Christmas 2025 nga kampanya sang Department of Health.
Pahayag niya, pananglitan may makita sila nga bata nga nagagamit sang mga palupok ukon improvised boga, ila ini nga pagakumpiskaron ang amo nga mga palupok.
Nagapanawagan naman ang natungdan sa mga pumuluyo nga iya nasakupan, nga magkooperar sa mga ginapatuman nga pagsulundan, ilabi na kun para sa kaluwasan sang tagsa-tagsa.
Interviewed by Bombo Sunnie Mae Constantino Batencila
