Nabulabog ang 2026 Camel Beauty Show Festival sa Oman pagkatapos nga natukiban sang mga beterinaryo nga ang pila sang mga nagpasakop nga mga kamelyo nag-agi sa cosmetic enhancements.
Naglab-ot sa 20 ka mga kamelyo ang gilayon nga gin-disqualify sa kompetisyon matapos nga natukiban nga gin-injectionan sila sang Botox kag lip fillers agud mangin mas makagalanyat kag “pouty” ang ila mga bibig.
Dugang pa, natukiban man ang paggamit sing silicone implants agod bag-uhon ang korte sang ilong, kag hormone injections agod padakuon ang ila mga hump kag mga maskulo.
Ang mga paindis-indis sa katahum sang kamelyo sa Oman isa ka seryoso nga negosyo bangod sang daku nga premyo nga kuwarta kag ang presyo sang pagbaligya sang mga nagdaug nga mga rasa.
Nagpaandam man ang mga eksperto nga delikado ini sa ikaayong lawas sang mga sapat bangud ang mga filler mahimo makatuga sang seryoso nga mga infection, samtang ang botox nagaapekto man sa ikasarang sang mga kamelyo sa pag-usang.
