ROXAS CITY – Magabalik na ang mga ceres bus liners sa pag-biyahe Roxas City-Iloilo vice versa sumugod buwas nga adlaw, Hunyo 3, alas 5 sa aga.
Ini ang gin-anunsiyo mismo sang Vallacar Transit Incorporated matapos nga gin-aprubahan na ni Roxas City Mayor Ronnie Dadivas ang ila letter of request.
Mahibaluan nga magluwas sa letter of request, kalakip man sa ginsumiter sa alkalde ang listahan sang natumod nga mga bus number kag plate number sang mga units nga magabalik sang biyahe kag ang special permits gikan sa Land Transportation Franchising and Regulatory Board (LTFRB).
Matandaan nga ginpahayag ni Vallacar Transit Inc. Admin Manager Janice Original nga 51 tanan ka mga ceres bus units ang magabalik sa biyahe pananglitan nga mapahanugutan na sila sang alkalde.
Una naman nga ginpahayag ni Original nga may pagsaka man sa pletehan sang ceres bus kun sa diin para sa non-aircon units, P11 ang minimum nga plete sa una nga 5 kilometros kag dugang nga P1.85 para sa succeeding kilometers samtang sa air-conditioned units naman, P13 ang minimum nga plete sa una nga 5 kilometros kag P2.20 para sa succeeding kilometers.
YARI ANG MGA RUTA SANG MAGA-BIYAHE NGA CERES BUSES:
📌 ILOILO TO ROXAS CITY via PASSI and vice versa;
📌 ILOILO TO ROXAS CITY via PAVIA, CALINOG, TAPAZ and vice versa;
📌 ILOILO TO ROXAS CITY via ESTANCIA and vice versa.
