ROXAS CITY – Nag-agi sa maid-id nga audition ang mga partisipante para sa Handog ng Bombo Radyo at Star FM Battle of the Bands and Dance Showdown nga pagahiwaton sa Capiz State University Main Campus Covered Gym sa Abril 12, 2019.
Ang nasambit nga kompetisyon ang tuigan nga ginapatigayon sang Bombo Radyo kag Star FM bilang kabahin sang selebrasyon sang charter anniversary sang probinsiya sang Capiz nga Capiztahan.
Pitong ka mga band groups ang magapakita sang ila talento sa Battle of the Bands samtang napulo naman ka mga dance groups ang magapaindis-indis sa dance floor.
Kalakip sa mga partisipante nga mga local bands amo ang One Day Band, Cytoplasm, Simple Jammers, Albanda, Tobacco Bi Pipe, Cazhikami kag Calixsa.
Balantayan man ang paghataw sang mga dance groups nga ginalakipan sang One Crew, One Crew Jr., Roxas Pride Crew, Ground Zero, Capiz Attraction, Caprox Collection, SNTD Crew, Junior Effects, PRF Kids Iloilo, kag King of Motion.
Nagahulat sa magadaog ang dalagkuan nga mga premyo apang indi naman magpauli nga masubo ang wala ginswerte nga partisipante bangud magabaton sila sang consolation prizes.
Ini na ang ika-siyam nga tuig nga ginahiwat ang Handog ng Bombo Radyo at Star FM” nga nagatuyo makadiskubre sang mga lokal nga talento.
