Mga Delivery Rider sa syudad sang Roxas,  nagapangampo sa padayon nga pagsaka sang presyo sang gatong

Nagapangampo ang pila ka mga motorista bangud sa padayon nga pagsaka sang presyo sang gatong.

Ini kasunod man sang nagapadayon nga tensyon sa Middle East.

Sa interview sang Bombo Radyo kay alyas Fritz, isa ka rider, iya ginpahayag nga dako gid nga perwisyo sa ila ang padayon nga pagsaka sang presyo sang gasolina.

Suno kay alyas Fritz, imbes nga ibakal nila sang pagkaon ang ila kwarta, nagakadto ini sa pagpatughog sang gatong sa ila mga motorsiklo.

Ginpahayag man sini nga nagalab-ot sa apat ka litro sang gasolina ang iya ginapatughog sa kada adlaw gane mabug-at sa iya ang pagsaka sa presyo sang gasolina

Nagapanawagan man ini sa gobyerno nga hatagan sang solusyon ang padayon nga pagsaka sang presyo sang gatong.